Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 134 Hüküm no: 218 Orijinal metin no: [23b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Yorgi’nin Gorina bt. Tıranoz’a dolaptan alacağı kaldığı Vech-i tahrîr-i sicil budur ki Karye-i Kadı’dan Yani b. Yorgi meclis-i şer‘a hâzır olup işbu müşârün-ileyhâ Gorina bt. Tıranoz muvâcehesinde takrîr-i da‘vâ kılıp eyitti ki bir dolabı üç yüz akçeye kabûl edip yaptım, kırk beş akçesin aldım, bâkī iki yüz elli beş akçe hakkım vardır, hâliyâ taleb ederim dedikde mezbûre Gorina bi’l-muvâcehe ikrâr edip dolap yaptı iki yüz elli beş akçe deynimdir deyû ikrâr bi’t-taleb kayd olundu. Vaka‘a’t-tahrîr fî evâsıtı Şa‘bân sene 956. Meblağ-ı merkūm muhzır Hasan’a havâle şüd. Şuhûdü’l-hâl: Hasan b. Abdullah, Kara Yusuf b. Abdullah, Mustafa b. Mehmed, Kosta b. Marko ve gayruhüm