Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 141 Hüküm no: 243 Orijinal metin no: [26a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara İbrahim b. Mehmed’in, eşi Selür bt. Abdullah’ı muhâlaa yoluyla boşadığı Vech-i tahrîr-i sicil budur ki Karye-i Bulgurlu’dan Kara İbrahim b. Mehmed ve zevcesi Selür? bt. Abdullah meclis-i şer‘a hâzırân olduklarında mezbûr İbrahim takrîr-i da‘vâ kılıp eyitti ki nafaka-i ıddetden ve mehrinden ve sâir da‘vâdan ferâgat etmek üzere hul‘ ederse bâyin talâk boş olsun dedikde mezbûre Selür dahi nafaka-i ıddetden ve mehrimden ve sâir da‘vâ ve zevc ile zevceyn arasında olan da‘vâdan ferâgat ettim, onun üzerine hul‘ ettim deyû ikrâr mezbûr İbrahim ferâgati vicâhen ve şifâhen tasdîk ettikden sonra sıhhat-i hul‘ mukarrer olup bi’t-taleb kayd olundu. Vaka‘a’t-tahrîr fî evâsıtı Ramazâni’l-mübârek sene 956. Şuhûdü’l-hâl: Mustafa b. İbrahim, Abdi b. Hasan, Ramazan b. Hüseyin, Hasan b. İlyas, Hüseyin b. İlyas, Hızır b. Abdullah el-Racil, Hüseyin b. Abdullah el-Racil, Mustafa b. Hasan, Hamza b. Veli