Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 152 Hüküm no: 279 Orijinal metin no: [29a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Margarika bt. Yuvan’ın nafaka miktarı Vech-i tahrîr-i sicil budur ki Karye-i Çengel’den Yani b. Tabak meclis-i şer‘a hâzır olup eyitti ki zevcem Margarika bt. Yuvan nafakası için üç yüz akçe hükm olunup deynim var idi, ba‘de zamânın es-sulhu hayrun ile âmil olup yüz akçeye sulh edip ibrâ ve ıskāt edip dedikde mezbûre Margarika inkâr edip, Karaca b. Yusuf ve Bendelyos b. Yani ve Mihal b. Tulayi ve Manol b. Nikola şehâdet edip dediler ki yüz akçeye ibrâ ve sulh edip dediklerinde ba‘de’t-tezkiyye hayyiz-i kabûlde vâki‘ olup sıhhat-i sulh mukarrer olup hükm olundu ki bi’t-taleb kayd olundu. Vaka‘a’t-tahrîr fî evâili Şevvâli’l-mükerrem sene 956. Şuhûdü’l-hâl: Süleyman b. Ebri, Mustafa b. Mehmed, Kosta b. Marko, Mihal b. Ispanakçı, İstefan b. Dimitri