Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 153 Hüküm no: 284 Orijinal metin no: [29b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kefil olma Vech-i tahrîr-i sicil budur ki Yenicehisar’a ağa olan Ahmed Ağa cânibinden Turgud Çelebi b. Murad Bey ve Hamza b. Ali şehâdetleriyle vekâleti sâbit olan Mehmed b. Ahmed nâm hisar eri meclis-i şer‘a hâzır olup eyitti ki işbu müşârün-ileyh Nikola b. Poli karye-i Çengel’de olan buğday akçesine kefîl bi’l-mâl olup hâliyâ senden taleb ederim dedikde mezbûr Nikola bi’l-muvâcehe ikrâr edip kefâlete ikrâr bi’t-taleb kayd olundu. Vaka‘a’t-tahrîr fî evâsıtı Şevvâli’l-mükerrem sene 956. Şuhûdü’l-hâl: Abdullah Halîfe b. Yakub el-imâm, Hacı Hızır b. Mehmed, Hızır b. İsâ, Mustafa b. Mehmed, Ramazan b. Hüseyin