Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 156 Hüküm no: 296 Orijinal metin no: [30b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karagöz b. Karaman’ın Yorgi b. Senoki’de alacağı olduğu Vech-i tahrîr-i sicil budur ki Karye-i Kadı’dan Karagöz b. Karaman meclis-i şer‘a gelip işbu müşârün-ileyh Yorgi b. Senoki’de karz-ı hasen yüz elli akçe hakkım vardır, dedikde mezbûr Yorgi inkâr edip gıbbe beyyine taleb olunup Manol b. Yorgi ve Sinadonos b. Manol nâm kimesneler dediler ki biz şâhidleriz ve şehâdet edip bizim yanımızda ikrâr edip işbu Karagöz’e karzdan yüz elli akçe deynimdir dediği dediklerinde bi’t-taleb kayd olundu. Vaka‘a’t-tahrîr fî evâhiri Şevvâli’l-mükerrem sene 956. Şuhûdü’l-hâl: Mustafa b. Mehmed, Mevlânâ Muhiddin Çelebi b. Davud el-Hatîb ve gayruhüm.