Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 159 Hüküm no: 304 Orijinal metin no: [31b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ali’nin ölen Dimitri b. Yorgi’de alacağı olduğu Vech-i tahrîr-i sicil budur ki Mehmed b. Ali meclis-i şer‘a hâzır olup eyitti ki karye-i Kadı’da fevt olan Dimitri b. Yorgi zimmetinde Saru Üveys’den yedi yüz akçe alıp mezbûr müteveffâya verdim ve benim dahi dört yüz yetmiş iki akçe benim dahi vardır hâliyâ taleb ederim dedikde mezbûr müteveffânın zevcesi olan Marina bt. Kosta ve kıbel-i şer‘den vasiyye olup inkâr ile cevâb vericek, Hacı Musa b. Hüseyin ve Viznik? Todora b. Dimitri ve diğer Todora b. Kosta nâm kimesneler vech-i mezkûr üzere şehâdet edip cem‘an bin yüz yetmiş iki akçe sâbit olup, bi’t-taleb kayd olundu. Vaka‘a’t-tahrîr fî evâhiri Şevvâl sene 956. Şuhûdü’l-hâl: Eynehan b. Osman, Ali b. Hacı Fakīh, Ramazan b. Hüseyin, Mustafa b. Mehmed, Ali b. Mehmed ve gayruhüm.