Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 163 Hüküm no: 319 Orijinal metin no: [33a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yenicehisar Ağası Ahmed Ağa’nın, buğday parasını kefil Kosta’dan talep ettiği Vech-i tahrîr-i sicil budur ki Fahru’l-emâsil ve’l-akrân Yenicehisar’a ağa olan Ahmed cânibinden sâbitü’l-vekâle vekîl olan Mehmed b. Ahmed meclis-i şer‘a hâzır olup eyitti ki karye-i Çengel’de vâki‘ olan üç bin akçe buğday akçesine karye-i mezbûrdan Kosta b. ( ) merkūm kefîl bi’l-mâl oldu, taleb ederim dedikde mezbûr Kosta’dan su’âl olunup inkâr edip gıbbe’l-inkâr mezbûr Mehmed’den beyyine taleb olunup udûl-i müslimînden Ahmed b. Yusuf ve Hamza b. Ali nâm kimesneler şehâdet edip fi’l-vâki‘ üç bin akçelik buğdayın akçesine kefîl bi’l-mâl olundu deyû şehâdet ederiz dediklerinde ba‘de’t-tezkiyye hayyiz-i kabûlde vâki‘ olup bi’t-taleb kayd olundu. Vaka‘a’t-tahrîr fî evâsıtı Zilka‘de sene 956. Şuhûdü’l-hâl: Eynehan b. Osman, Abdi b. Hasan, Saru Musa b. Hüseyin ve gayruhüm.