Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 164 Hüküm no: 322 Orijinal metin no: [33b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Kosta’nın Manol b. Yorgi’yi dövdüğü Vech-i tahrîr-i sicil budur ki Gemicilerden Manol b. Yorgi ve Nikola b. Kosta meclis-i şer‘a hâzırân olduklarında mezbûr Manol takrîr-i da‘vâ kılıp eyitti ki gemi içinde beni darb-ı şedîd edip dedikde Nikola inkâr edip gıbbe’l-inkâr beyyine taleb olunup Kosta b. Aleksi ve Todora b. Vasil nâm zimmîler şehâdet edip fi’l-vâki‘ mezbûr Nikola mezkûr Manol[’u] darb-ı şedîd etti dedikde ba‘de’t-tezkiyye hayyiz-i kabûlde vâki‘ olup bi’t-taleb kayd olundu. Vaka‘a’t-tahrîr fî evâhiri Zilka‘de sene 956. Şuhûdü’l-hâl: Mevlânâ Abdullah Halîfe b. Yakub el-imâm, Mustafa b. Mehmed, Cafer b. Hüseyin, Mustafa b. Hızır.