Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 167 Hüküm no: 331 Orijinal metin no: [34b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Yorgi ve Petroz b. Fatireis Kartal’ın monapolyesini Yorgi b. İstemad’a sattıkları Vech-i tahrîr-i sicil budur ki Karye-i Kartal’dan Kosta b. Yorgi ve Petroz b. Fatireis meclis-i şer‘a hâzırân olduklarında karye-i mezbûrun sene sitte ve hamsîn ve tis‘a mie yılında vâki‘ olan monapolyesin işbu müşârün-ileyh Yorgi b. İstemad[’a] iki bin altı yüz akçeye bey‘ ettik deyicek mezbûr Yorgi kabûl ettim deyip ve zarar-ı malına Apostol b. Nikola ve Petroz Fatireis ve Yorgi nâm zimmîler kefîl bi’l-mâl olup bi’t-taleb kayd olundu, mâ-hüve’l-vâki‘ kayd-ı defter olundu. Vaka‘a’t-tahrîr fî evâili Zilhicce sene 956. Şuhûdü’l-hâl: Ramazan b. Hüseyin, Papa Yorgi b. Dimitri, İpsara Manol b. Todora, Katmeş? b. Yorgi, İstemad b. Dimitri