Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 168 Hüküm no: 334 Orijinal metin no: [34b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Minnet’in Validin b. Bayezid’i dövme davasından berat ettiği Vech-i tahrîr-i sicil budur ki Karye-i Yakacık’dan Validin b. Bayezid ve Şaban b. Minnet meclis-i şer‘a hâzırân olduklarında mezbûr Validin takrîr-i da‘vâ kılıp eyitti ki benim yolum basıp darb-ı şedîd edip bir dişim çıkardı dedikde mezbûr Şaban’dan su’âl olundukda inkâr edip gıbbe’l-inkâr mezbûr Validin’den beyyine taleb olunup âciz olup mezbûr Şaban’a yemîn billâh teklîf olunup yemîn verilip mezbûr Şaban’ın zimmetinin berâetine hükm olundu ki bi’t-taleb kayd-ı defter olundu. Vaka‘a’t-tahrîr fî evâili Muharremi’l-harâm sene 957. Şuhûdü’l-hâl: Bekir b. Mahmud, Ahmed b. Mahmud, Timurtaş b. Kobaldin, Ahmed b. Mustafa, Üveys b. Bahşayiş, Ramazan b. Hüseyin.