Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 171 Hüküm no: 347 Orijinal metin no: [35b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Receb b. Mehmed’in İbrahim b. İshak’a iftirada bulunduğu Vech-i tahrîr-i sicil budur ki Receb b. Mehmed meclis-i şer‘a İbrahim b. İshak nâm kimesne[yi] ihzâr edip üzerine takrîr-i müdde‘a kılıp dedi ki mezbûr İbrahim vekîl olduğu Hasnâ’nın gece ve gündüzde hafiyyeten gâh evi köşesine varıp ve gâh evi içine girip bunun emsâli şenî‘ vazı‘lar eylediği ecilden teftîş olunmak için hükm-i şerîf îrâd etmişdir, ber-mûceb-i emr-i pâdişâhî teftîş olunmasın taleb ederim dedikde mezbûr İbrahim’den su’âl olunup mezbûre Hasnâ Hâtun’un gecede ve gündüzde hafiyyeten gâh evi içine girip ve gâh evi köşesine varıp bunun emsâli şenî‘ ve hilâf-ı şer‘ vazı‘lar edermişsin denildikde mezbûr İbrahim inkâr ile cevâb vericek mezbûr Receb’in da‘vâ-yı muharreresine muvâfık beyyine taleb olundukda beyyineden âciz oldukda mezbûr İbrahim’e yemîn müteveccih oldukda yemînden nükûl edicek ta‘zîr olunup bi’t-taleb sicil olundu. Tahrîren fî evâsıtı Saferi’l-muzaffer sene 957. Şuhûdü’l-hâl: Pîrî b. Memi ve Ahmed b. Musa Fakīh ve Pir Ali b. Ahmed ve Yunus b. Ramazan, Haydar b. Ömer