Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 173 Hüküm no: 353 Orijinal metin no: [36a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi’nin yaşarken çatma evini Mustafa b. İlyas’a sattığı Vech-i tahrîr-i sicil budur ki Fethullah’ın vasîsi olan Sitti bt. Yakub Mustafa b. İlyas nâm kimesneden müteveffânın metrûkâtında bir çatma damı kırk beş akçeye almışdır, hâliyâ taleb ederim dedikde mezbûr Mustafa zikr olunan çatma damı Memi b. Ahmed hâl-i hayâtında bana kırk beş akçeye bey‘ eyleyip semen-i mezbûru Memi’ye teslîm eyledim deyip gıbbe’l-inkâr Mahmud ve Yakub veledân-ı Ahmed vech-i meşrûh üzere şehâdet eylediklerinde ba‘de’t-ta‘dîl hayyiz-i kabûlde vâki‘ olup bi’t-taleb sicil olundu. Tahrîren fî evâhiri Safer sene 957. Şuhûdü’l-hâl: Hasan Bey ve Sinan Bey ve (…?) ve Ahmed ve Ali b. Sadeddin ve gayruhüm.