Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 178 Hüküm no: 365 Orijinal metin no: [37b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Ahmed’in Devlethan b. Ahmed’de alacağı olduğu Vech-i tahrîr-i sicil budur ki Karye-i Orhanlı’dan Mustafa b. Yunus meclis-i şer‘a hâzır olup karye-i Aydınlı’dan Devlethân b. Ahmed[’i] ihzâr edip eyitti ki, hâtunum Ayşe bt. Ahmed beni vekîl edip bi’l-vekâle müvekkilem hâtunumun kardeşi Hızır b. Ahmed’den yüz akçe alıp mezkûr Hızır fevt olup zikr olunan meblağ benim müvekkilem Ayşe’ye intikāl etmişdir, hâliyâ taleb ederim dedikde mezbûr Devlethân’dan su’âl olunup vâki‘ yüz akçe mezbûr Hızır’dan aldım ammâ gene teslîm ettim deyip mezbûr Mustafa teslîmine isbât et, bilmeziz deyicek mezbûr Devlethân’dan beyyine taleb olunup benim şâhidim yoktur deyû cevâb vericek mezbûre Ayşe’ye kardeşi aldığın bilmediğine yemîn verilip zikr olunan meblağ-ı mezbûr Devlethân’dan mezbûre Ayşe’ye hükm olundu ki bi’t-taleb sicil olundu. Vaka‘a’t-tahrîr fî evâhiri Rebi‘ilâhir sene 957. Şuhûdü’l-hâl: Masdali? Sofi b. (…?), Ali b. Mustafa, Hızır b. Abdullah, Saru b. Nasûh ve gayruhüm.