Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 183 Hüküm no: 382 Orijinal metin no: [39a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yani b. Kosta’nın Dimitri b. İstemad’a borcunun vârislerce ödenmesi Vech-i tahrîr-i sicil budur ki Karye-i Maltepe’den Dimitri b. İstemad ve İstemad b. Manol meclis-i şer‘a hâzırân olduklarında mezbûr Dimitri takrîr-i da‘vâ kılıp eyitti ki karye-i Pendik’de Yani b. Kosta nâm zimmîye bir altın verdim, sana ver deyû havâle-i şer‘iyye etti ve hem mezbûr Yani fevt olup sen vârisi idin, metrûkâtı sana intikāl etti, senden taleb ederim, dedikde mezbûr İstemad’dan su’âl olundukda ammum Yani’ye bir altın verdi, tohum için ölçüp teslîm etmedin fevt oldu deyû cevâb vericek mezbûr Dimitri metrûkâtın sen zabt edip vârisi idin deyn deyip mezbûr İstemad vârisi idiğine ikrâr edip ve deyn dahi ikrâr ile bir altın mezbûr Dimitri’ye hükm olundu, bi’t-taleb kayd-ı defter olundu. Vaka‘a’t-tahrîr fî evâhiri Cemâziyelevvel sene 957. Şuhûdü’l-hâl: Fotinoz b. Yani, Todora b. Dimitri, Nikola b. Dimitri, Aleksi b. Yani, Nikola b. Andriya.