Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 192 Hüküm no: 409 Orijinal metin no: [41b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kireç ocağının Argiri b. Dimitri’ye ait olduğu Vech-i tahrîr-i sicil budur ki Karye-i Pendik’den Argiri b. Dimitri ve Mihal b. Dimitri meclis-i şer‘a hâzırân olduklarında mezbûr Mihal takrîr-i da‘vâ kılıp eyitti ki bir kıt‘a kireç ocağın müştereklik üzerine kazdık müşterekiz dedikde mezbûr Argiri, ben müstakil kazdım ba‘dehû seninle kireçe ortak olduk, deyip ocak müşterek değildir, deyû inkâr edip gıbbe’l-inkâr mezbûr Mihal’den beyyine taleb olunup âciz oldukda mezbûr Argiri[’ye] yemîn billâh verilip İncil üzere dahi zikr olunan kireç ocağı mezbûr Argiri’ye hükm olundu ki bi’t-taleb kayd-ı defter olundu. Vaka‘a’t-tahrîr fî evâhiri Cemâziyelâhir sene 957. Şuhûdü’l-hâl: Fi’l-a‘lâ, Kara Papas b. Todora, Papa Tıranoz b. Manol ve gayruhüm