Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 205 Hüküm no: 451 Orijinal metin no: [45a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Hamza b. Abdullah’ın Yorgi b. Valides’te çuka bahasından alacağı olduğu iddiası Vech-i tahrîr-i sicil budur ki El-Hâc Hamza b. Abdullah ve karye-i Çengel’den Yorgi b. Valides? meclis-i şer‘a hâzırân olduklarında mezbûr el-hâc Hamza takrîr-i kelâm kılıp eyitti ki sana bin akçe bi-tarîkı’l-mu‘âmele çuka bahâsından yüz otuz akçe hakkım vardır, dedikde mezbûr Yorgi inkâr edip mezbûr Hamza’dan beyyine taleb olunup âciz oldukda mezbûr Yorgi’ye yemîn verilip bi’t-taleb kayd-ı sicil olundu. Vaka‘a’t-tahrîr fî evâhiri Recebi’l-mürecceb sene 957. Şuhûdü’l-hâl: Mustafa b. Mehmed, Ramazan b. Hüseyin, Halil b. Kara Bey ve gayruhüm