Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 209 Hüküm no: 464 Orijinal metin no: [46b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzade Sultan Mehmed evkafından olan Heybeliada’nın mukataasının Nikola b. Muryani’ye verdiği Vech-i tahrîr-i hurûf oldur ki Merhûm ve mağfûrun-leh Şehzâde Sultan Mehmed tâbe serâhu evkāfından karye-i Heybeli nâm adayı sene seb‘a ve hamsîn ve tis‘a mie Yenarı evâilinde âmil olan Fotinoz b. Yani meclis-i şer‘a hâzır olup dedi ki zikr olunan adayı işbu müşârün-ileyh Nikola b. Muryani’ye zikr olunan târihten ilâ selâse sinîn on bir bin akçeye öşr-i şer‘- i ve bâd-i hevâ ve resm-i arûs ve gayrı vakfa âid cüz’î ve küllî ne vâki‘ olursa verdim, dedikde mezbûr Nikola mukırr-ı mezbûr Fotinoz’u cemî‘ ikrârında vicâhen tasdîk edip mukarrer olundu ve zarar-ı malına diğer Nikola b. Manol nâm zimmî kefîl bi’l-mâl olup bi’t-taleb kayd-ı sicil olundu. Vaka‘a’t-tahrîr fî evâsıtı Şa‘bâni’l-mu‘azzam sene 957. Şuhûdü’l-hâl: Bayezid b. Yusuf, Ramazan b. Hüseyin, Ali b. Hacı Fakīh, Mehmed b. Hüseyin, İbrahim b. Hüseyin, Yorgi b. Manol, Matyos b. Manol, Yani b. Todora ve gayruhüm Mezkûr Nikola’nın karye-i Akkilise’de Yorgi’de yüz akçesi olup Fotinoz’u vekîl edip bi’t-taleb kayd olundu.