.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 214
Hüküm no: 481
Orijinal metin no: [47b-7]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Nikola b. Franko’nun Nikola b. Teri’ye sattığı bağdan kalan para için anlaştıkları

Vech-i tahrîr-i hurûf oldur ki Karye-i İstavros’dan Nikola b. Franko meclis-i şer‘a hâzır olup eyitti ki, işbu müşârün-ileyh Nikola b. Teri’nin babası Teri’de Hato? b. Kirana’nın ma‘rifeti ile bir kıt‘a bağın yedi yüz akçeye bey‘ edip beş yüz akçesin aldım, bâkī iki yüz akçesi kaldı dedikde mezbûr Nikola’dan su’âl olunup mukır olup bir fıçı ve bir satır ve iki rende verip yüz akçe dahi nakid verecek olup min-ba‘d da‘vâm yoktur deyicek sıhhat-i akd-i ibrâ mukarrer olup bi’t-taleb kayd-ı sicil olundu. Vaka‘a’t-tahrîr fî evâili Ramazâni’l-mübârek sene 957.


Şuhûdü’l-hâl: Ahmed Bey b. Abdullah, Mustafa b. Mehmed, Ramazan b. Hüseyin, Kara Yusuf b. Abdullah, Mehmed b. Hızır, Ali b. Hacı, Mahmud Bey b. Abdullah er-Râcil