Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 220 Hüküm no: 499 Orijinal metin no: [49b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kefil olma Vech-i tahrîr-i hurûf oldur ki Karye-i İstavros’dan Yani Kakuli b. Franko meclis-i şer‘a karye-i Çengel’den Ispanakçı Mihal b. Nikola[’yı] ihzâr edip dedi ki benim sende yüz akçe hakkım vardır, otuz beş akçesin verdi, bâkīsin dahi taleb ederim dedikde mezbûr Mihal inkâr ile cevâb [verip] ve mezbûr Yani dahi takrîr-i da‘vâ kılıp Yani nâm levend’de benim hakkım var idi, sen kefîl bi’l-mâl oldun, senden taleb ederim dedikde mezbûr Mihal bi’t-tav‘ ve’r-rızâ ikrâr edip ben kefîl bi’n-nefs oldum, kefîl bi’l-mâl olmadım deyicek bi’t-taleb kayd-ı sicil olundu. Vaka‘a’t-tahrîr fî evâhiri Ramazâni’l-mübârek sene 957. Şuhûdü’l-hâl: Veli b. Eymir, Ali b. Hacı Fakīh, Kara Yusuf b. Abdullah, Manol b. Papa Yani, Nikola b. Poli ve gayruhüm