Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 223 Hüküm no: 508 Orijinal metin no: [50a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selcük bt. Hamza’nın boğasının ölümüne sebep olanların tazmin etmesi Vech-i tahrîr-i hurûf oldur ki Selcük bt. Hamza meclis-i şer‘a zevci olan Ahmed b. Abdullah ve Todora b. Dimitri[’yi] ihzâr edip üzerlerine takrîr-i da‘vâ kılıp eyitti ki benim yüz elli akçe kıymet eder boğasın vasî ma‘rifeti yok iken ikisi eneyüp öldü, benim hayf oldu deyicek ikisi bile vasî ma‘rifeti olmadan enediklerin mukır olup ve öküzün kıymeti yüz elli akçe eder dedikde, udûl-i müslimînden Hasan b. Minnet ve Âhad b. Ali yüz elli akçe kıymet eder deyû şehâdet edip mezbûr Ahmed ile ve Todora‘ya ödemek emr olunup hükm olundu, bi’t-taleb kayd-ı sicil olundu. Vaka‘a’t-tahrîr fî evâsıtı Şevvâli’l-mükerrem sene 957. Şuhûdü’l-hâl: Ali b. Mehmed, Sefer Çelebi b. İskender, Ramazan b. Hüseyin, Kara Yusuf b. Abdullah