Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 225 Hüküm no: 512 Orijinal metin no: [50b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yorgi’nin Ispanakçı Mihal b. Nikola’da kalan parasını talep ettiği Vech-i tahrîr-i hurûf oldur ki Karye-i Çengel’den Nikola b. Yorgi meclis-i şer‘a hâzır olup eyitti ki işbu müşârün-ileyh Ispanakçı Mihal b. Nikola[’yı] ihzâr beş yüz akçe verdim, üç yüz akçesin aldım, bâkī iki yüz akçesin taleb ederim, dedikde mezbûr Mihal’den su’âl olunup dedi ki beş yüz akçe deynimdir, ama üç yüz akçe ben sana verdim ve yüz akçe hâtundan aldım deyip mezbûr Nikola inkâr edip yüz akçe hâtunundan almadım deyicek mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâsıtı Şevvâli’l-mükerrem sene 957. Şuhûdü’l-hâl. Fi’l-a‘lâ