Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 225 Hüküm no: 514 Orijinal metin no: [51a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Tıranoz’un, Pîrî b. Mehmed’den ortak oldukları koyunların gelirinden kalan kısmı talep ettiği Vech-i tahrîr-i hurûf oldur ki Pîrî b. Mehmed ve Yani b. Tıranoz meclis-i şer‘a hâzırân olduklarında mezbûr Yani takrîr-i kelâm kılıp eyitti ki seninle koyun ortak olup bir yıl tamam oldukdan sonra ayrılıp sütten ve peynirden beş yüz yirmi dört akçe kaldı, hakkım taleb ederim dedikde mezbûr Pîrî ikrâr sütten ve peynirden beş yüz yirmi dört akçe var idi, ama yüz kırk akçeden gayrısın asıl mâla hesâb olundu deyicek mezbûr Yani inkâr edip asıl mâla hesâb olunmadı, deyicek mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Şevvâli’l-mükerrem sene 957. Şuhûdü’l-hâl: Mevlânâ Abdullah Halîfe b. Eyice, Hızır b. Ahmed, Eynehan b. Halil, Mehmed b. ( ) ve gayruhüm