Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 227 Hüküm no: 520 Orijinal metin no: [51b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimo’nun Yorgi’ye ödeme yapması hükmedildiği Vech-i tahrîr-i hurûf oldur ki Karye-i Kadı’da sâkin levendlerden Yorgi b. Petro meclis-i şer‘a hâzırân olup karye-i mezbûrdan Dimo b. Yorgi[’yi] ihzâr edip üzerine takrîr-i da‘vâ kılıp vilâyet-i Selânik’den Kali bt. Mihal İstanbul’a gelirken kirâya ve nafakasına iki yüz akçe harc edip hâliyâ hasm olan Dimo mezbûr verecek olup Yani b. Nikola nâm kefîl bi’l-mâl olup ba‘dehû mezbûr Yani’ye verip teslîm edip ba‘de zamânın gene alıp hâliyâ ben taleb ederim, dedikde bi’l-muvâcehe mezbûr Dimo ikrâr edip mezbûr Yorgi tasdîk edip meblağ-ı merkūm hükm olundu ki bi’t-taleb kayd-ı sicil olundu. Vaka‘a’t-tahrîr fî evâili Zilka‘de sene 957. Şuhûdü’l-hâl: Mihal b. Yorgi, Yavacı Dimitri b. Köfaz? ve gayruhüm