Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 237 Hüküm no: 554 Orijinal metin no: [54b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Turgud’un Margarika bt. Yuvan’a altın verdiği Vech-i tahrîr-i hurûf oldur ki Karye-i Yenihisar’dan Mahmud b. Turgud meclis-i şer‘a karye-i Çengel’den Margarika bt. Yuvan[’ı] ihzâr edip üzerine takrîr-i da‘vâ kılıp karz-ı hasen sana beş tâmmü’l-veznü’l-ayâr altın verdim, hâliyâ taleb ederim deyip mezbûre Margarika’dan su’âl olunup iki yüz akçe karz aldım, ziyâde almadım deyip karye-i mezbûrdan Kosta b. Marko ve Manol b. Papa Yani nâm zimmîler biz hâzır idik, beş aded altın müşârün-ileyh Mahmud mezbûre Margarika’ya karz-ı hasen verdi deyû şehâdet [edip] ba‘de’t-tezkiyye hayyiz-i kabûlde vâki‘ olup beş altın mezbûre Margarika’ya hükm olunup mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâsıtı Zilhicce sene 957. Şuhûdü’l-hâl: Pîrî Kethüdâ b. Üveys, Karaca b. Yusuf, Kara Yusuf b. Abdullah, Ali b. Hacı Fakīh ve gayruhüm