Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 241 Hüküm no: 569 Orijinal metin no: [56a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Manol’ün Manol b. Baros’un evine gitmesi Vech-i tahrîr-i hurûf oldur ki Hoca Fazlullah zâviyesine hâliyâ mütevellî olan Mustafa Çelebi b. ( ) ve câbisi olan Mahmud b. Turgud meclis-i şer‘a hâzırân olduklarında karye-i mezbûrdan Yorgi b. Manol[’u] ihzâr edip üzerine takrîr-i da‘vâ kılıp eyitti ki Manol nâm re’is evinde yok iken nâmahrem evine girip ve buldum deyû dedikde mezbûr Yorgi’den su’âl olundukda Manol re’is evinde yok iken evine girdim deyû ikrâr edip kardeşi çağırdı, ben dahi vardım ammâ hâtunu bana çağırmadı, deyû ikrâr edip mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957. Mezbûr hâtunun kardeşi Manol b. Baros’dan su’âl olundukda inkâr edip ben çağırmadım deyicek mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957. Şuhûdü’l-hâl: Mustafa b. Mehmed, Ali b. Hacı Fakīh, Karaca b. Yusuf, Mütevellî b. Mustafa Çelebi, Câbi Mahmud b. Turgud, Eynehan b. Halil ve gayruhüm