Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 243 Hüküm no: 574 Orijinal metin no: [56b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Fazlullah Zâviyesi’nin Abdi b. Hasan’a yer tapuladığı Vech-i tahrîr-i hurûf oldur ki Merhûm Hoca Fazl[ullah] zâviyesine mütevellî olan Mustafa meclis-i şer‘a hâzır olup dedi ki hisar erenlerinden Mehmed b. Abdullah müzevir Mehmed ma‘rûf kimesne fevt olup evlâd-ı zükûru kalmadığı ecilden karye-i Çengel’e tâbi‘ bir kıt‘a hâlî buğday ekilir bir yer olup hudûd bir taraf tarîk-ı âm köprüye varınca ve bir taraf dereye ve bir taraf Dolaplı bostanına ve bir taraf bağına muttasıldır tapuya müstahak olmağın işbu sâhibü’s-sicil Abdi b. Hasan’a bin akçeye tapuya verdim dediği için kabûl ve kabz ettim dediklerinde mezbûr Abdi b. Hasan vicâhen ve şifâhen tasdîk edip sıhhat-i akd-i tapu mukarrer olup bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957. Şuhûdü’l-hâl: Burhan b. Hasan, Karaca b. Yusuf, Aşık b. Hasan, Mustafa b. Mehmed, Ali b. Hacı Fakīh, Süleyman b. Ebri ve gayruhüm