|
Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 245 Hüküm no: 578 Orijinal metin no: [57a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İbrahim b. Musa’nın ölen babasının borçlarını ödediği
Vech-i tahrîr-i hurûf oldur ki İbrahim b. Musa meclis-i şer‘a gelip ben sefer-i hümâyûnda iken baba[m] fevt olup muhallefâtına vasî olup ba‘zı deynlerine verip hâliyâ hesâbın ve kitâbın gördük, hâliyâ vasiyye olan Zâhide bt. Abdullah dahi ve ben dahi gördüm hesâbın cümle gördük zimmetinde bir akçe ve bir habbe zimmetinde kalmadı, dedikde mukırr-ı mezbûrları cemî‘ ikrârı meşrûhları vicâhen ve şifâhen tasdîk edip mezbûr[e] [Zâhide b.] Abdi’nin zimmetinin berâetine hükm olundu, bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957.
Şuhûdü’l-hâl: Fi’l-a‘lâ, Alâaddin Çelebi b. İbrahim el-imâm, Mehmed b. Mustafa, Hacı b. Abdullah er-râcil, Haydar b. Mahmud, Yahya b. Ali ve gayruhüm
|