.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 248
Hüküm no: 588
Orijinal metin no: [57b-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Çalabverdi b. Yusuf’un Ayni Hatun bt. Cafer’i dövme davasından berat ettiği

Vech-i tahrîr-i hurûf oldur ki Karye-i Samandıra’dan Ayni Hâtun bt. Cafer kıbelinden Ali b. Veli ve karye-i mezbûrdan Çalabverdi b. Yusuf meclis-i şer‘a ihzâr edip üzerine takrîr-i da‘vâ kılıp dedi ki beni fırın önünde darb etti, dedikde mezbûr Çalabverdi’den su’âl olundukda inkâr ile cevâb vericek mezbûr Ali’den beyyine taleb olunup âciz olundukda mezbûr Çalabverdi’ye yemîn teklîf olunup yemîn verilip mezbûr Çalabverdi’nin husûs-ı kazıyyeden zimmetinin berâetine hükm olundu ki bi’t-taleb kayd-ı sicil olundu. Vaka‘a’t-tahrîr fî evâhiri Zilhicce sene 957.


Şuhûdü’l-hâl: Murad b. Mehmed, Mustafa b. Minnet, Mehmed b. Yusuf, Hasan b. Kaya, Şaban b. Yusuf, Nuhi b. Mustafa