Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 249 Hüküm no: 593 Orijinal metin no: [58a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Pişkeş’in bostan yeri ile tarlasını Abdi b. Hasan’a sattığı Vech-i tahrîr-i hurûf oldur ki Karye-i Kadı’dan Yani b. Pişkeş meclis-i şer‘a gelip bi’t-tav‘ ve’r-rızâ ikrâr ve i‘tirâf edip dedi ki karye-i mezbûr yerlerinden bir kıt‘a bostan yeri ile bir kıt‘a tarlamı safka-ı vâhide ile işbu Abdi b. Hasan’a bey‘- i örfiyye ile bey‘ ettim, üç bin iki yüz akçeye mezkûr bostanın hudûd bir taraf Yani bostanına ve bir taraf gene mezkûr Yani bostanına ve iki taraf tarîk-ı âmma muttasıldır, içinde olan dolabı ve kayusuyla bey‘ ettim, kabûl ve kabz ettim, dedikde mukırr-ı mezbûru mukarrun-lehü’l-mezkûr vicâhen tasdîk edip sıhhat-i ikrâr ve sıhhat-i bey‘e hükm olundu. Vaka‘a’t-tahrîr fî evâhiri Zilhicce sene 957 Tarla hudûd Kapsel bostanına ve bir taraf Mihal evine? ve bir taraf dereye ve bir taraf Hacı Musa tarlasına. Şuhûdü’l-hâl: Mevlânâ Abdullah Çelebi b. Halîfe Eyice Fakīh, Saru Musa b. Hüseyin ve Eynehan b. Osman ve Hasan b. Durmuş ve Hacı Musa b. Hüseyin, Kara Yahya b. İlyas ve Hamza ( ) ve gayruhüm