Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 250 Hüküm no: 595 Orijinal metin no: [58b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Mehmed’in Kadıköy’ün ihtisab gelirini Ramazan b. Hüseyin ile Mustafa b. Mehmed’e devrettiği Vech-i tahrîr-i hurûf oldur ki Karye-i Kadı’dan Ali b. Mehmed meclis-i şer‘de ikrâr ve i‘tirâf edip karye-i mezbûrun ihtisâblığa müte‘allik olan neyi varsa işbu Ramazan b. Hüseyin ve Mustafa b. Mehmed’den gurre-i Muharrem’den ilâ tamâm-ı senetin kâmile varınca dört yüz akçeye kabûl ettim, dedikde mezbûrân Ramazan ve Mustafa dahi verdik, deyû ikrâr edip mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Muharremi’l-harâm sene 957. Şuhûdü’l-hâl: Mevlânâ Taceddin b. Ali el-imâm, Hasan Çelebi b. Mahmud ve Mevlânâ Abdurrahman b. el-hâc Şaban ve gayruhüm.