Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 250 Hüküm no: 597 Orijinal metin no: [58b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Paskali’nin, ölen babasının terekesini beytülmâl zâbiti Hızır b. Ahmed’den talep ettiği Vech-i tahrîr-i hurûf oldur ki Karye-i Çengel’de fevt olan Paskali b. Levend fevt olup muhallefâtın beytülmâl zavâbıt-ı olan Hızır b. Ahmed kabz ettikden sonra kazâ-i Rize’den Kosta b. Paskali beraber olup mürd-i merdûd Paskali benim sulbî babamdır, ben onun oğluyum sulbî oğlumdur dedi ikrârına şâhidlerim vardır dedikde mezbûr Hızır bu ma‘nâya inkâr ile cevâb vericek mezbûr Kosta’dan beyyine taleb olunup udûl-i müslimînden Karaca b. Yusuf ve Kara Yusuf b. Abdullah dediler ki fi’l-vâki‘ Paskali hâl-i hayâtında ikrâr edip işbu müşârün-ileyh Kosta benim sulbî oğlumdur, deyû ikrâr edip bu ikrâr üzerine fevt oldu, deyû şehâdet ettiklerinde şâhidân-ı mezbûrânın şehâdetleri hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Muharremi’l-harâm sene 957. Şuhûdü’l-hâl: Ahmed Çelebi b. Hasan, İlyas Bâli b. Hacı Hüseyin, Usta Hasan b. Musa, Hasan b. Abdullah, Mustafa b. Mehmed ve gayruhüm