Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 253 Hüküm no: 605 Orijinal metin no: [59b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed ile kardeşi Ali b. Mehmed’in babalarından kalan miras üzerinde haklaştıkları Vech-i tahrîr-i hurûf oldur ki Mustafa b. Mehmed meclis-i şer‘a kardeşi Ali b. Mehmed muvâcehesinde ikrâr ve i‘tirâf edip dedi ki babam fevt olup bir kıt‘a bostan kalıp nısf hissemi iki bin akçeye bey‘ edip beş yüz akçe merhûm ve İbrahim Ağa zâviyesine bin akçe deyni var idi, ona takas edip bâkī bin üç yüz akçesin aldım, iki yüz akçesinden ferâgat ettim, cem‘an iki bin akçeyi aldım kabûl ve kabz ettim, husûs-ı kazıyyede da‘vâm yoktur, dedikde mezbûr vicâhen tasdîk edip sıhhat-i akd-i bey‘e hükm olundu. Hükmen sahîhan şer‘iyyen kazıyye bu minvâl-i meşrûh edâ olduğuna mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Muharremi’l-harâm sene 958. Şuhûdü’l-hâl: Hasan b. Eşref, Mustafa b. Süleyman, Ramazan b. Hüseyin, Ahmed Çelebi b. Hasan, Turgud b. Hızır, Süleyman b. Hacı Mehmed