Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 255 Hüküm no: 610 Orijinal metin no: [60a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza Fakīh Mescidi mütevellisi Şeyh Mehmed b. Nefs’in eski mütevelli Hasan b. Mahmud ile vakfın hesapları konusunda ibrâlaştıkları Vech-i tahrîr budur ki Merhûm Hamza Fakīh Mescidi’ne hâliyâ mütevellî olan Şeyh Mehmed b. Nefs meclis-i şer‘a sâbıkan mütevellî olan Hasan b. Mahmud[’u] ihzâr edip dedi ki mâl-ı vakıfdan sende yedi bin üç yüz yirmi akçe var idi, bin dört yüz akçe İsâ’dadır ve bin akçe Terzi Ali’den bin akçe Sofi Yusuf’dan ve beş yüz akçe Hamza b. İlyas’dan ve yüz akçe Hoca Odül’den ve kırk akçe Hüsam Bey [b.] Ali’den cem‘an zimem dört bin kırk akçe olup ve iki bin yüz doksan akçe ber vech-i nakid senden aldım ve bin akçeyi dahi vâliden Hasnâ Hâtun yedinden aldım, kabûl ve kabz ettim, zimmetinde mâl-ı vakıfdan bir akçe ve bir habbe kalmadı dedikde mezbûr Hasan Fakīh vicâhen ve şifâhen tasdîk ettikde sıhhat-i akd ikrâr mukarrer olup bi’t-taleb kayd-ı sicil olundu. Vaka‘a’t-tahrîr fî evâsıtı Rebi‘ilevvel sene 955. Şuhûdü’l-hâl: Fahru’l-emâsil b. Memi? Çelebi Ali, Hızır b. Ahmed, Ahmed b. Mustafa, Mevlânâ İsâ Halîfe b. Fazlullah, Mehmed b. Ali Fakīh, Süleyman b. Mehmed, Hasan b. Abdullah ve gayruhüm