Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 258 Hüküm no: 618 Orijinal metin no: [61a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vârissiz ölen Nikola’nın Nasûh Bey b. Abdullah’taki para ve altının hazineye kaldığı Vech-i tahrîr-i hurûf oldur ki Zavâbıt-ı beytülmâl olan Hızır b. Ahmed meclis-i şer‘de karye-i Samandıra’dan Nasûh Bey b. Abdullah nâm yeniçeri[yi] ihzâr edip Nikola nâm levend zimmî fevt olup hâzır vârisi olmayıp sende beş yüz nakid akçe ile üç altın emânet konulmuş, hâliyâ senden taleb ederim, dedikde mezbûr Nasûh Bey’den su’âl olundukda mezbûr zimmî hasta iken karye-i mezbûrda bana emânet kodu idi, ara ile veririm deyip vâki‘ hâzır vârisi olmadığı ecilden meblağ-ı merkūm mezbûr Hızır’a teslîm etmeğe hükm olundu, mezbûr Hızır kabûl edip ve harcı ma‘kûlüne ve harcına yetmiş akçesin verip bâkī dört yüz nakid akçe ve üç altın hıfz edip mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Saferi’l-muzaffer sene 958. Şuhûdü’l-hâl: Hasan Halîfe b. Mahmud, Ali b. Abdullah er-râcil, Ali b. Hacı Fakīh, Ramazan b. Hüseyin, Mehmed b. Yakub ve gayruhüm