.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 260
Hüküm no: 625
Orijinal metin no: [62a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Çobanı döven Todora b. Mihal’in Mehmed b. Abdullah’a ait sürüden bir koyun aldığı

Vech-i tahrîr-i sicil budur ki Mehmed b. Abdullah nâm Acemi oğlanı meclis-i şer‘de Todora b. Mihal nâm levend muvâcehesinde takrîr-i kelâm kılıp benim kırk dört aded koyunum var idi senün koyunundan ayırıp kabûl ettikden sonra Yani b. Todora‘ya emânet ra‘y etmeğe verdikden sonra iki günden sonra benden hufyeten sen varıp mezbûr Yani’yi darb edip mecrûh ettin, dedikde mezbûr Todora’dan su’âl olunup ben sen hâzır değil iken vardım, bir koyun aldım, mezbûr Yani bana vermemek istedikde dövüşüp mezbûr Yani mecrûh olundu deyip mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Saferi’l-muzaffer sene 958.


Şuhûdü’l-hâl: Ali b. Süleyman, Mustafa b. Mehmed, Mustafa b. Kasım, Ali b. Kasım, Eymir b. Hasan, el-hâc Ali b. Eymir ve gayruhüm