Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 262 Hüküm no: 631 Orijinal metin no: [62b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri b. Buber’in Nikola b. Poli’ye bağ sattığı Vech-i tahrîr-i hurûf oldur ki Karye-i Çengel’den Dimitri b. Buber meclis-i şer‘a hâzır olup Nikola b. Poli muvâcehesinde ikrâr ve i‘tirâf edip karye-i mezbûra tâbi‘ bir kıt‘a bağımı hudûd bir taraf Papuççu? bağına ve bir taraf Maçokari yerine ve bir tarafı zeytin ağacına bi-cümleti’l-hudûd ve kâffeti’l-hukûk ile işbu müşârün-ileyh Nikola[’ya] beş yüz akçeye bey‘ ettim deyû ikrâr edip mezbûr Nikola vicâhen tasdîk edip sıhhat-i akd-i bey‘e hükm olundu, bi’t-taleb kayd-ı sicil olundu. Vaka‘a’t-tahrîr fî evâsıtı Saferi’l-muzaffer sene 958. Şuhûdü’l-hâl: Hasan Çelebi b. Mahmud, Eymir Fakīh b. Hasan, Davud Bey b. Abdullah er-râcil, Ali b. Hacı Fakīh, Nikola b. Kefale