Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 263 Hüküm no: 635 Orijinal metin no: [62b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır b. Ali’nin, Ahmed b. Hasan’ın ölen babası için harcadığı parayı kendisinden talep ettiği Vech-i tahrîr-i hurûf oldur ki Karye-i Karamanlı’dan Hızır b. Ali meclis-i şer‘a karye-i mezbûrdan Ahmed b. Hasan’ı ihzâr üzerine takrîr-i da‘vâ kılıp dedi ki baban Hasan b. Sülümen fevt olup üç yüz akçe vasiyye-i mu‘ayyene vardır, ben karz aldım harc ettim, hâliyâ senden taleb ederim dedikde Ahmed’den su’âl olundukda inkâr ile cevâb vericek mezbûr Hızır’dan alâ mâ-idde‘âhû beyyine taleb olunup Hacı b. Minnet, Mustafa b. Ahmed nâm kimesneler fi’l-vâki‘ mezbûr Hızır üç yüz akçe karz alıp harc etti, kaldı dediklerinde ba‘de’t-tezkiyye hayyiz-i kabûlde vâki‘ olup kayd-ı sicil olundu. Vaka‘a’t-tahrîr fî evâili Rebi‘ilevvel sene 958. Şuhûdü’l-hâl: Hızır b. Ahmed, Mustafa Bey b. Abdullah, Deniz b. Hızır, Abdi b. Hasan, Mustafa b. Hasan, Eymir b. Eşref, Alâaddin Halîfe b. İbrahim, Abdullah Halîfe b. Eyice, Aşık b. Hasan ve gayruhüm