.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 268
Hüküm no: 653
Orijinal metin no: [64b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ali b. Bayram’ın Ömer b. Karlı’nın öldürdüğü öküzünü tazmin ettiği

Vech-i tahrîr-i hurûf oldur ki Karye-i Salihli’den Ömer b. Karlı ve Ali b. Bayram meclis-i şer‘a hâzırân olduklarında mezbûr Ömer takrîr-i da‘vâ kılıp benim bir öküzüm çalıp öldürdün tazmîn et dedikde mezbûr Ali’den su’âl olunup gece ile bir sığır tarlama girip ben dahi çaldım, bilmedim dedikde mezbûr Ali’ye tazmîn etmek emr olunup mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Rebi‘ilevvel sene 958.


Şuhûdü’l-hâl: Hızır b. Ahmed, Muhiddin Halîfe b. Davud el-Hatîb, Ali Fakīh b. Üveys el-müezzin, Mehmed b. Yusuf, Ramazan b. Hızır ve gayruhüm.