|
Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 270 Hüküm no: 660 Orijinal metin no: [65b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hüsrev b. Abdullah’ın Yani b. Kosta’dan alacağı olduğu
Vech-i tahrîr-i hurûf oldur ki Dergâh-ı a‘lâ yeniçerilerinden Hüsrev b. Abdullah nâm yeniçeri meclis-i şer‘a karye-i Maltepe’den mukır Yani b. Kosta’yı ihzâr edip üzerine takrîr-i da‘vâ kılıp karz-ı hasen ve cümlesinden üç yüz akçe hakkım vardır, hâliyâ taleb ederim dedikde mezbûr Yani’den su’âl olunup fi’l-vâki‘ karz-ı hasen üç yüz akçe deynim vardır deyû ikrâr edip Hüsrev vicâhen tasdîk edip bi’t-taleb kayd-ı sicil olundu. Vaka‘a’t-tahrîr fî evâili Rebi‘ilevvel sene 958.
Şuhûdü’l-hâl: Pîrî b. Umur, Şahkulu b. Ivaz, Cafer b. Ramazan
|