.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 272
Hüküm no: 663
Orijinal metin no: [66a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sultan Selim Han vakıflarından bazılarının Mehmed b. Nasûh ve Yusuf b. Hızır’a kiralandığı

Vech-i tahrîr-i hurûf oldur ki Merhûm ve mağfûrun-leh Sultan Selim Hân aleyhi’r-rahmetü ve’l-gufrân evkāfından karye-i Kadı cibâyetin karye-i Tavşancıl ve Tepecik ve İnedikili ve karye-i Kadı ve Dudullu ve kazâ-i Yoros’un karye-i Deresekili ve Beykozu ve Yoros nâm karyelerin öşr-i hubûbatın ve resm ve bâdihevâsın tapu-yı zemînden gayrı cüz’î ve küllî vakfa âid olan mahsûl hâliyâ câbi olan Hasan b. Hızır meclis-i şer‘de işbu müşârün-ileyhimâ Mehmed b. Nasûh ve Yusuf b. Hızır nâm kimesnelere bi-tarîkı’l-iştirâk üç yıla yüz altmış üç bin akçeye mukāta‘aya verdim, sâl be sâl haklaşmak üzere verdim ve zarar-ı mâllarına Mevlânâ Hüsam b. İsâ el-İmâm be-mahalle-i İskender Bey be-kurb-ı Mustafa Paşa ve Mehmed Çelebi b. Nasûh ve Satancı b. Sevindik der-mahalle-i Emîr-i âhur kefâlet-i sâhîha-i şer‘iyye makbûle mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Rebi‘ilâhir sene 958.


Şuhûdü’l-hâl: el-hâc Ahmed b. Hasan, Hızır b. Ahmed, İlyas Bâli b. Hacı Hüseyin, Mustafa b. Mehmed, Cafer b. Ramazan, Ali b. Hacı Fakīh ve gayruhüm