Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 272 Hüküm no: 665 Orijinal metin no: [66a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hakverdi b. Turhan’ın İskender tarafından dövüldüğü Vech-i tahrîr-i hurûf oldur ki Hakverdi b. Turhan meclis-i şer‘de İskender b. (…?) ihzâr edip üzerine takrîr-i da‘vâ kılıp beni darb etti, başımdan dülbendim düşürüp bana ta‘addî etti dedikde mezbûr İskender’den su’âl olundukda inkâr ile cevâb verecek udûl-i müslimînden Eymir Fakīh b. Hasan ve Pir Baba b. Taceddin nâm kimesneler biz şâhidleriz ve şehâdet edip dediler ki mezbûr İskender mezkûr Hakverdi’nin, darb edip ve dülbendin düşürüp ta‘addî etti deyû şehâdet ettiklerinde ba‘de’t-tezkiyye hayyiz-i kabûlde vâki‘ olup mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâhiri Rebi‘ilâhir sene 958. Şuhûdü’l-hâl: Ali b. Hacı Fakīh, Ramazan b. Hüseyin, Cafer b. Ramazan ve gayruhüm