.:: İstanbul Kadı Sicilleri ::.


Üsküdar Mahkemesi 17 Numaralı Sicil (H.956-963/ M.1549-1556)
cilt: 6, sayfa: 278
Hüküm no: 683
Orijinal metin no: [68a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mihal b. Duka’nın Todora bt. Dimitri’nin evine girdiği

Vech-i tahrîr-i hurûf oldur ki Karye-i İstavros’dan âmil Yorgi b. Manol meclis-i şer‘a Papa Keşiş Mihal b. Duka ve Todora bt. Dimitri[’yi] ihzâr edip üzerlerine takrîr-i merâm kılıp dedi ki gece ile yatsı vaktinde bir ev içinde buldum dedikde mezbûrân Papaz’dan su’âl olundukda ben esbâbım emânet kodum idi, almaya vardım, bana hâtun dedi ki: Var koduğun yerde esbâbın al dedi ben dahi almaya girdim, kapımı? aldılar, ben dahi fıçı içine girdim deyû ikrâr edip mezbûre Todora’dan su’âl olundukda hasta idim geldi esbâbım verdi ben dahi var koduğun yerden al dedim esbâbın arar iken geldiler tutdular deyip ve gece ile evine girdiği mukarrer olup bi’t-taleb kayd-ı sicil olundu. Vaka‘a’t-tahrîr fî evâili Cemâziyelâhir sene 958.


Şuhûdü’l-hâl: Hüseyin b. Abdullah, Ali b. Veli, Mahmud Bey b. Abdullah, Sinan Sofu b. İskender, Cafer b. Abdullah ve gayruhüm