Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 278 Hüküm no: 685 Orijinal metin no: [68a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fırıncı Yani b. Mihal’in Simon b. Baruh’a verdiği ekmeğin parasını talep ettiği Vech-i tahrîr-i hurûf oldur ki Karye-i İstavros’dan Habbâz Yani b. Mihal meclis-i şer‘de Simon b. Baruh nâm yahudi[yi] ihzâr edip üzerine takrîr-i da‘vâ kılıp dedi ki karye-i mezbûrda dükkân zabt ettiğin vakit sana altmış akçe ekmek alıp akçesin taleb ederim, dedikde mezbûr Simon’dan su’âl olundukda inkâr edip mezbûr Yani’den beyyine taleb olunup Hasan b. Abdullah ve Yorgi b. Sevader şehâdet edip altmış akçelik ekmek aldı, üzerinde kaldı dedikde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâhiri Cemâziyelâhir sene 958. Şuhûdü’l-hâl: Hızır b. Ahmed, Şaban b. Mehmed ve gayruhüm