Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 283 Hüküm no: 703 Orijinal metin no: [69b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender Paşa Vakfı’nın Duka b. Yorgi’ye bostan kiraladığı Vech-i tahrîr-i hurûf oldur ki Merhûm İskender Paşa evkāfına hâliyâ mütevellî olan Bâli Bey b. Abdullah meclis-i şer‘de ikrâr ve i‘tirâf edip Kalamuç nâm mevzi‘de vâki‘ olan vakıf bostanlardan bir kıt‘a bostanı sene 958 Recebi’l-mürecceb gurresinden bir seneye bin dört yüz akçeye işbu müşârün-ileyh Duka b. Yorgi[’ye] icâreye verdim, dedikde mezbûr Duka’dan su’âl olundukda zikr olunan bostanı gurre-i Recebden bir seneye bin dört yüz akçeye icâreye kabûl ettim, mâ-hüve’l-vâki‘ bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 958. Ve zarar-ı malına Haydar b. Abdullah kefîl oldu. Şuhûdü’l-hâl: Ali b. Mehmed, İbrahim b. Abdullah, Ahmed b. Nebi, İskender b. Abdullah, Cafer b. Ramazan ve gayruhüm