Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 284 Hüküm no: 705 Orijinal metin no: [70a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender Paşa Vakfı’nın Dimitri b. Toma’ya bostan kiraladığı Vech-i tahrîr-i hurûf oldur ki Merhûm İskender Paşa evkāfından Kalamuç nâm mevzi‘de bir kıt‘a bostan ki sâbık Mustafa nâm kimesne mutasarrıf idi, hâliyâ mütevellî olan Bâli b. Abdullah meclis-i şer‘de ikrâr edip Dimitri b. Toma’ya zikr olunan bostanı sekiz yüz akçeye icâreye verdim, dedikde mezbûr Dimitri bi’l-muvâcehe mezbûr mütevellî-i vicâhen tasdîk edip sıhhat-i icâre mukarrer olup bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 958. Ve zarar-ı malına Toma b. Papas kefîl olundu. Şuhûdü’l-hâl: İbrahim b. Abdullah, Ahmed b. Nebi, İskender b. Abdullah, Ali b. Mehmed ve Cafer b. Ramazan ve gayruhüm