Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 285 Hüküm no: 708 Orijinal metin no: [70a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender Paşa Vakfı’na ait evin duvarı dibindeki yerin özel yol olduğu Vech-i tahrîr-i hurûf oldur ki Karye-i Kadı’dan merhûm İskender Paşa evkāfına hâliyâ mütevellî olan Bâli b. Abdullah meclis-i şer‘a karye-i mezbûrdan Tıranoz[’u] ihzâr edip üzerine takrîr-i da‘vâ kılıp dedi ki karye-i mezbûr[da] vakıf ev kurbunda tarîk-ı hâs vardır, hâliyâ sen sed etmiş[sin], dedikde mezbûr Tıranoz’dan su’âl olundukda inkâr edip yer benim mülkümdür, dedikde mezbûr Bâli’den sıdk-ı makāline muvâfık beyyine taleb olunup Ahmed b. Nebi ve Duka b. Yorgi nâm kimesneler işbu duvar dibinde tarîk-ı hâs vardır deyû şehâdet edip ba‘de’t-tezkiyye hayyiz-i kabûlde vâki‘ olup zikr olunan duvar dibinde tarîk-ı hâslık üzere hükm olundu ki bi’t-taleb kayd-ı sicil olundu. Vaka‘a’t-tahrîr fî evâili Recebi’l-mürecceb sene 958. Şuhûdü’l-hâl: Haydar b. Abdullah, Ali Bey b. Abdullah es-Sirac, Kara Yusuf b. Abdullah, Cafer b. Ramazan, Ali b. Mehmed, İskender b. Abdullah