Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 288 Hüküm no: 716 Orijinal metin no: [71a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gore b. Yani’nin evini Dimitri b. Nikola’ya sattığı Vech-i tahrîr-i hurûf oldur ki Karye-i Çengel’den Gore b. Yani ve Dimitri b. Nikola meclis-i şer‘a hâzırân olduklarında mezbûr Gore takrîr-i kelâm kılıp dedi ki karye-i mezbûrda vâki‘ olan fevkānî ve tahtânî evimi hudûd bir taraf tarîk-ı âmma ve bir taraf hâlî yere ve bir taraf Ahmed Çelebi yerine ve bir taraf Yani evine muttasıldır işbu hudûd ile mahdûd olan mülk evimi tevâbi‘ ve levâhıkı ile işbu Dimitri b. Nikola[’ya] iki bin dört yüz akçeye bey‘ ettim, dört yüz akçesin aldım bâkī iki bin akçesin taleb ederim dedikde mezbûr Dimitri vicâhen ve şifâhen tasdîk edip sıhhat-i akd-i bey‘e hükm olundu bi’t-taleb kayd-ı sicil olundu. Vaka‘a’t-tahrîr fî evâsıtı Recebi’l-mürecceb sene 958. Şuhûdü’l-hâl: Ahmed Çelebi b. Hasan, Karaca b. Yusuf, Ali b. Veli, Mustafa b. Mehmed, Hasan b. Abdullah, Kara Yusuf b. Abdullah, Papa Yani b. Nikola, Yorgi b. Dimitri, Kara Yani b. Nikola, Kosta b. Semendire ve gayruhüm