Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 298 Hüküm no: 744 Orijinal metin no: [74b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mîrî funda kethüdâsı Kosta b. Marko’nun diğer funda kethüdâlarından davacı olduğu Vech-i tahrîr-i sicil budur ki Karye-i Çengel’de mîrî funda üzerine kethüdâ olan Kosta b. Marko meclis-i şer‘a gelip ve gayrı kethüdâlardan Murad b. Mehmed ve Burhan ve Ali b. Murad ve Lavod Yorgi nâm kethüdâlar muvâcehesinde takrîr-i da‘vâ kılıp dedi ki sâbıkan mîrî funda teftîş olunduğu zamânda bana aldığım zamânda nice kimesnelerden ben funda getirmedin sana getirdim deyû ikrârıyla dediklerinde ben dahi ikrâr sonra bana vermediler hayf oldu dedikde mezbûrûn kethüdâlar vâki‘ biz yemîn etmeziz, dedikde sen dahi ikrâr ettin sonra elde olan bâkīyi dahi mîrî için aldılar cemî‘ sana funda getiren kimesneler ne mikdâr funda getirdiklerin bilmeziz deyû cevâb verdiklerinde mâ-hüve’l-vâki‘ Kosta talebi ile kayd-ı sicil olundu. Vaka‘a’t-tahrîr fî evâili Zilhicce sene 962. Şuhûdü’l-hâl: Saru Memi b. Mustafa, Ali b. Hacı Fakīh, Hasan b. Abdullah, Mustafa b. Yusuf ve Ramazan b. Hüseyin ve gayruhüm