Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 299 Hüküm no: 748 Orijinal metin no: [75a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Manol’ün Kosta b. Manol ile ilgili kefalet görevini yerine getirdiği Vech-i tahrîr-i sicil budur ki Karye-i Çengel’den Nikola b. Manol meclis-i şer‘a Zabiye bt. Kosta tarafından vekîl Hares b. Argiros muvâcehesinde takrîr-i da‘vâ kılıp dedi ki senin müvekkilen Zabiye’nin zevci Kosta b. Manol’a ben kefîl bi’l-mâl olmuş idim hâliyâ kefâletin edâ ettim, deyip mezbûr Hares inkâr ile cevâb verip Kosta b. Yani İstani b. Petro nâm zimmîler şehâdet edip mezbûr Nikola’nın kefâletden pazarcı Ahmed’e edâ ettiğine ba‘de’t-tezkiyye hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâili Zilhicce sene 962. Şuhûdü’l-hâl: Fi’l-a‘lâ