Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 321 Hüküm no: 801 Orijinal metin no: [84a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol b. Kaloz ile oğlu Safi’nin Sultan Bayezid Han’ın vakıflarından Lefke köyünün vakfa ait vergilerini ödedikleri Mâ huve’l-muharrer fîhi cerâ indî ve ene’l-fakîr Yusuf b. Musa el-müvellâ bi-medîneti Kostantıniyye el-mahmiyye hilâfeten Zâlike kezâlike ve emzayfühû alâ zâlike nemekahu’l-fakîr Hasan el-müvellâ bi-Mihaliç hilâfeten Sebeb-i tahrîr-i sicil ve mûcib-i tastîr-i hıtâb oldur ki Merhûm Sultan Bayezid Hân mahrûse-i Edirne’de binâ eylediği imâret-i âmirenin evkāfından mahrûse-i mezbûr kazâsında Lefke nâm karyenin câbisi olan İlyas b. Hüseyin mahfil-i şer‘a gelip karye-i mezkûrede sâkin olan Çingene tayifesinden Manol b. Kaloz ve oğlu Safi’nin sene sitte ve erba‘în ve tis‘a mi’e Martında vakfa âid olan rüsûmlarını mezkûrlardan alıp kabz eyledim, deyû ikrâr ve i‘tirâf ettikde mezkûrlar dahi vicâhen tasdîk edip talebleri ile bu sâhife ketb olunup ellerine verildi ki vakt-i hâcette müzekkir-i mâ-cerâ ola. Tahrîren fi’l-yevmi’t-tâsi‘ ve ışrîn min şehri Rebi‘ilâhir sene 957.? Şuhûdü’l-hâl: Ali b. Mahmud ve Mustafa b. Mehmed ve Mehmed b. Yusuf ve gayruhüm